Медиаорталық

Астанада «Балқаш» атом электр станциясын салу жобасы аясында қоршаған ортаға трансшекаралық әсерді бағалау (ҚОӘБ) мәселелеріне арналған халықаралық семинар өтті. Семинарға Қазақстан мен Ресейдің бейінді ұйымдарының, Қазақстан Республикасы Атом энергиясы агенттігінің, ҚР Экология және табиғи ресурстар министрлігінің және «Қазақстандық атом электр станциялары» ЖШС өкілдері қатысты. Семинарды ашқан Қазақстан Республикасы Атом энергиясы агенттігі төрағасының орынбасары Асет Махамбетов АЭС салу жобасын іске асыру кезінде экологиялық қауіпсіздікті қамтамасыз етудің, ұлттық заңнама талаптарын сақтаудың және Қазақстан Республикасының халықаралық міндеттемелерін орындаудың маңыздылығын атап өтті. Қатысушылар Қазақстан Республикасының заңнамасында көзделген экологиялық бағалау түрлерін қолдану, ұлттық рәсімдерді халықаралық конвенциялардың талаптарымен салыстыру, сондай-ақ көршілес мемлекеттермен трансшекаралық өзара іс-қимыл жасау ерекшеліктерін қарастырды. Атом энергетикасы жобаларын іске асыру кезінде қоршаған ортаға әсерді бағалаудың техникалық аспектілеріне, халықаралық тәжірибеге және экологиялық рәсімдерді жүргізуге байланысты ықтимал тәуекелдерді барынша азайту тәсілдеріне ерекше назар аударылды. Талқылау аясында мүдделі мемлекеттік органдар мен ұйымдардың өкілдері пікір алмасты. Қатысушылар экологиялық мәселелерді уақтылы пысықтаудың және ұлттық әрі халықаралық талаптарды қолдануда бірыңғай тәсілді ұстанудың маңыздылығын атап өтті. Семинар АЭС салу жобасының экологиялық қауіпсіздігін қамтамасыз ету мәселелері бойынша кәсіби диалог пен сараптамалық білім алмасу алаңына айналды. Ұсынылған материалдарды талқылау экологиялық рәсімдерді ұйымдастырудың алдағы тәсілдерін айқындау бағытындағы бірлескен жұмысты жалғастыруға мүмкіндік береді.

Баспасөз релизінің тест мәтіні.

Сұхбаттың тест мәтіні.